Mike Tyson ka goditur një pasagjer në avion dhe e ka lënë të gjakosur. Ngjarja bëhet e ditur sipas raporteve të mediave. TMZ raporton se 55-vjeçari është përlesh kur një tifoz i cili ishte i emocionuar dhe ishte ulur pas tij. Më pas bëhet me dije se tifozi ka tentuar disa herë t’i fliste në vesh dhe legjenda e boksit i kishte kërkuar të pushonte.
Incidenti ndodhi në bordin e avionit i cili do të nisej nga Aeroporti Ndërkombëtar i San Franciskos në Florida në orën 22:30 me kohën lokale.
Lidhur me incidentin, dëshmitarët janë shprehur se Tyson fillimisht ishte i ftohtë me të gjithë pasagjerët, përfshirë atë që ishte ulur pas tij dhe mikun e tij.
Me sa duket pasagjeri ka vazhduar ta acarojë dhe pikërisht atëherë amerikani dyshohet se e ka qëlluar me grushte, duke i gjakosur ballin. Në një video të publikuar në rrjet tregohet se si Tyson ka grushtuar burrin tjetër. Dëshmitarët shtuan se Tyson zbriti nga avioni vetëm disa sekonda më vonë.
Së fundmi, personi që u godit me grusht mori ndihmën mjekësore dhe foli me policinë pas incidentit.
