Kryeministrit Edi Rama ka komentuar raportin e “Transparency International” i cili ishte më kritikë për qeverinë për indeksin e korrupsionit në vend, se ai paraardhësi. Në një intervistë për gjermanen “WELT”, Rama është shprehur se nuk i beson kësaj transparence dhe se Shqipëria ka bërë shumë përparim. Ai gjithashtu ka dhënë edhe një shembull duke përmendur këtu digjitalizimin e shërbimeve të saj.
“Nuk i besoj kësaj transparence, sido që të jetë, asnjë sekondë. Ne kemi bërë kaq shumë përparim. Vetëm një shembull: Shqipëria ka digjitalizuar tashmë 95 për qind të shërbimeve të saj. Kur u futa në politikë, asnjë shërbim nuk menaxhohej në mënyrë digjitale. Njerëzit duhej të qëndronin në radhë për orë të tëra për të marrë një dokument. Gjithçka ishte e korruptuar. Si ka mundësi që kjo ecuri të mos përmirësojë renditjen tonë? Le të mos harrojmë edhe reformën tonë në drejtësi” – tha Rama.
Ndërsa raporti i Fredome House ka komentuar edhe situatën në partitë opozitare, ku i ka akuzuar se PD dhe LSI kanë sulmuar SHBA-në dhe BE-në pasi kanë mbështetur reformën në drejtësi.
“Vitet e fundit dhe veçanërisht gjatë vitit 2021, fraksione brenda Lëvizjes Socialiste për Integrim dhe Partisë Demokratike, e kanë shtuar retorikën e tyre të ashpër kundër SHBA-së dhe BE-së, duke pretenduar se ato po ndërhyjnë në sovranitetin dhe punët e brendshme të vendit”.
Kështu shkruan organizata Freedom House në raportin e fundit “Nations in Transit 2022”, teksa thekson se ky sulm i partive opozitare mbi aleatët e Shqipërisë e ka një arsye. Sipas Freedom House, arsyeja e sulmeve gjendet te mbështetja që SHBA e BE i kanë dhënë pa kushte reformës dhe organeve të reja të drejtësisë, organe që po hetojnë zyrtarë të nivelit të lartë.
“Kjo retorikë mosmiratimi ndaj SHBA-së dhe BE-së lidhet me investimin e huaj e të rëndësishëm politik dhe financiar në organet e ndryshme të reja të zbatimit të ligjit dhe në procesin e verifikimit të sistemit të drejtësisë, i cili ka krijuar pritshmëri të larta për hetime për abuzim me pushtetin dhe korrupsion nga zyrtarë aktualë e të mëparshëm”, shkruan Freedom House.
Organizata përmend dënimin me dy vjet burg të ish kryeprokurorit Adriatik Llalla për fshehje pasurie dhe shpërdorim detyre, teksa i referohet rezultateve të organeve të reja të drejtësisë.
Freedom House përmend qëndrimet e presidentit në prag të zgjedhjeve parlamentare, duke shtuar se “Presidenti Ilir Meta bëri fushatë të hapur kundër Partisë Socialiste në pushtet dhe u bëri thirrje qytetarëve, që të përdorin dhunë, nëse vota e tyre cënohej”.
Pas këtyre komenteve, shkruan Freedom House, Shtetet e Bashkuara dhe Bashkimi Evropian u bënë thirrje udhëheqësve politikë të vendit që të “përmbahen” e “të refuzojnë qartë dhunën”.
