Kryeministri Edi Rama ka reaguar në lidhje me zhvillimet e sotme për arritjen e një marrëveshje mes palëve për miratimin e reformës në drejtësi. Me anë të një mesazhin në rrjetin social Facebook, Rama rikonfirmoi edhe njëherë qëndrimin e tij se mbështetur në konsensus, reforma ose do votohet, ose sërish do votohet, duke lënë të nënkuptuar se rrugë të mesme nuk ka.
“Opinioni yne eshte po ai i njejti prej kohesh: Çdo gje per konsensusin dhe Reforma ne Drejtesi o do votohet o do votohet!”, tha Rama.
Eurodeputeti Knut Fleckenstein konfirmon hartimin e një drafti të ri për reformën në drejtësi pas negociatave mes palëve. Sipas tij, ky do të jetë drafti dhe propozimi i tyre i fundit, ndaj u bën thirrje deputetëve që ta votojnë.
Fleckenstein: Tani, propozimi i fundit në tryezë! Këshilla ime: Fund diskutimeve, votojeni! – shkruan në rrjetin social Twitter, eurodeputeti Fleckenstein.
Palët janë mbledhur sërish në një takim në Kryesinë e Kuvendit, për të negociuar mbi propozimin e ri, ku të pranishëm janë edhe dy ambasadorët Donald Lu dhe Romana Vlahutin. Mësohet se Kreu i Kuvendit, Ilir Meta dhe Kryeministri Edi Rama e kanë pranuar draftin. Sakaq Meta ka lënë Kryesinë. Tashmë pritet edhe përgjigjja e kreut të opozitës, Lulzim Basha. Propozimi i ri përfshin KLGJ dhe KLP-në.
