Berati është renditur në vendin e dytë në 30 qytetet më të bukura në Evropë. Renditja është publikuar nga agjencitë japoneze të turizmit, në prestigjiozen britanike Telegraph. Ajo shkruan se mes 30 qyteteve dhe fshatrave të listuar në vend të dytë është qyteti shqiptar. Për turistët japonezë këto destinacione duhet përbëjnë tendencat e këtij viti. Ato janë përzgjedhur nga 300 agjenci që janë pjesë e JATA-s, Shoqatës Japoneze të Agjencive të Udhëtimit, që duan të promovojnë turizimin në vendet e vogla të Europës.
Në vendin e parë në këtë listë gjendet qyteti Kilkenny, në Irlandë për të cilin thuhet që edhe pse konsiderohet si një qytezë ka përmasat e një qyteti të madh që shquhet më së shumti për kështjellën e qytetit, katedralen Sent Canice dhe muret e saj mesjetare.
Ndërkohë për vendin e dytë që i takon Beratit thuhet se “Lagjia Mangalem, ndodhet në qytetin e Beratit, në Shqipëri dhe shtrihet në brigjet e lumit Osum. Është një pasuri që mbrohet nga UNESCO. Në kohën mjesetare ka qenë qytet kufi me Perandorinë Bizantine dhe këtë e dëshmon edhe kështjella e saj.”
Më pas në renditje vijnë qytete si Civita di Bagnoregio në Itali, Procida në Itali, Conuy në Uells, Lech në Austri, si dhe Hindeloopen në Holandë.
* Ky shkrim është botuar në shkurt 2016
