Një aksident është regjistruar pak minuta më parë në Ballsh, ku ka mbetur i plagosur një i moshuar. Burimet bëjnë me dije se motori me të cilin udhëtonin dy të rinj ka humbur ekuilibrin dhe ka përplasur një këmbësor. Mësohet se, aksidenti ka ndodhur te “Kryqëzimi” ndërsa i plagosur ka mbetur një burrë, rreth 70-vjeç. Mësohet se policia dhe ambulance ndodhen në vendin e ngjarjes.
Ndërkaq i plagosuri është dërguar në spital, për të marrë ndihmën mjekësore pasi ka marrë plagë të shumta. Ndërkaq, grupi hetimor ndodhet në vendngjarje dhe po punon për shkaqet e aksidentit por dyshohet shpejtësia dhe manovrimi në rrugë.
