Ministria e Shëndetësisë bën me dije se ditën e sotme nga 877 testime, janë shënuar 36 raste të reja me Covid-19 dhe asnjë humbje jete në 24 orët e fundit. Rastet e reja janë shënuar në këto bashki: 6 në Sarandë, 4 në Fier, 3 në Tiranë, Berat, 2 në Shkodër, Vlorë, Konispol, Gjirokastër, Gramsh, 1 në Kukës, Durrës, Lushnje, Divjakë, Himarë, Tepelenë, Kuçovë, Skrapar, Poliçan, Elbasan.
Gjithashtu janë 337 pacientë aktivë me COVID-19 në të gjithë vendin. Ndërkohë, aktualisht në spitalin COVID3 po marrin trajtim 8 pacientë, nga të cilët 1 është në gjendje më të rënduar. Në 24 orët e fundit nuk ka asnjë humbje jete me Covid-19. Janë shëruar 63 qytetarë gjatë 24 orëve të fundit, duke e çuar numrin e të shëruarve në 270,441 që nga fillimi i epidemisë.
Kujtojmë se, rastet e Covid-19 janë rritur sërish në krahasim me një ditë më parë. Ditën e djeshme kemi pasur 17 raste të reja, por që numri i testimeve ka qenë më i ulët, 545 testime. Ndërsa numri i të shëruarve brenda një dite është rritur.
