Strukturat e Drejtorisë së Policisë së Shkodrës, në bashkëpunim me Seksionin për Hetimin e Trafiqeve të Paligjshme dhe Narkotikëve në Shkodër, pas një pune të mirorganizuar, duke u bazuar edhe nga informacionet e siguruara në rrugë operative kanë organizuar dhe finalizuar me sukses operacionin policor të koduar “Hoti”. Është goditur një rast i dhënies ndihmë për kalim të paligjshëm tek kufiri dhe është arrestuar në flagrancë shtetasi Anëar Muhamed, 35 vjeç, banues në Sëat, Pakistan.
Ky shtetas është kapur në flagrancë nga shërbimet e Policisë, në aksin rrugor Shkodër – Hani i Hotit, së bashku me 6 shtetas të huaj nga vendet e treta, të cilët dyshohet se do t’i kalonte për në Mal të Zi, nëpërmjet kufirit të gjelbër, kundrejt pagesës, me destinacion final vendet e BE-së.
Materialet iu referuan Prokurorisë pranë Gjykatës së Rrethit Gjyqësor Shkodër, për veprën penale “Dhënia ndihmë për kalim të paligjshëm të kufijve”.
