Në një intervistë për mediat, ish-kryeministri, Sali Berisha i ka komentuar takimin e sotshëm të ambasadores Yuri Kim me kreun e grupit parlamentar të PD, Enkelejd Alibeaj. Berisha tha se refuzon çdo ndërhyrje të tillë në problemet e brendshme të PD dhe kërkoj i kërkoi ambasadores të mos ndërhyjë në zgjedhjen e forumeve të partisë.
“Refuzoj çdo ndërhyrje të tillë në problemet e brendshme të PD dhe kërkoj të mos ndërhyjë në zgjedhjen e forumeve të partisë. Nuk mund të pranoj ndërhyrje të tilla. Po i drejtohem, ju i lejoni vetes të ndërhyni se kush dhe si duhet të zgjidhet PD dhe kjo më ka bërë të rikthehem të garoj. Demokratëve tu kërkojë falje” – tha Berisha.
Ai gjithashtu i është rikthyer sërish deklaratave të ambasadores amerikane Yuri Kim pak muaj më parë, e cila tha se “demokratët te mos hanë bar”. Sipas Berishës kjo ishte një frazë e mirëmenduar nga ana e ambasadores, për të cilën u shpreh se duhet të kërkojë falje.
“E vërteta është që me demokratët ajo ka bërë gjithçka që të ndërpresë marrëdhëniet me ta që në momentin kur i ka servirur atyre barin. Prandaj do ta këshillojë guvernatoren Kim që në rast se kërkon të ketë një komunikim ti kërkojë të falur për shprehjen e diktatorit Hoxha. Deri më sot nuk ka kërkuar të falur. Ajo ishte një frazë e mirëmenduar sepse është e njohur. Ose ajo ka studiuar Enver Hoxhën dhe ka gjetur shprehjen se shqiptarët bar do hanë dhe imperializmit amerikan nuk i nënshtrohen, ose ajo ka pasur lidhje me marksizëm leninizëm. Ajo ishte një përzgjedhje për ti ofenduar shqiptarët” – tha Berisha.
Kujtojmë se ditën e sotme ambasadorja e SHBA-së, Yuri Kim zhvilloi një takim me kreun e grupit parlamentar të PD, Enkelejd Alibeaj. Në postimin e hedhur në Twitter nga takimi, Kim e njihte Alibeajn si kryetar në detyrë të Partisë Demokratike.
