Ish-presidenti Bamir Topi, duke diskutuar në lidhje me situatën në selinë e Partisë Demokratike, u shpreh se Sali Berisha është kthyer në pronën e tij politike. Në një intervistë për mediat, Topi tha se Berisha e dha atë tokë në përdorim për 9 vite te një njëri të besuar, por sipas tij, Basha donte ta tjetërsonte këtë pronësi.
“Berisha është kthyer në pronën e tij politike. Hipotekën në zyrën e kadastrës politike e ka Berisha. E dha atë tokë në përdorim për 9 vite një njëri të besuar, ja dha apriori. Basha donte ta tjetërsonte këtë pronësi. Nuk shoh ndonjë gjë nga ajo çfarë parashikohej. Marrëdhëniet e Bashës me strukturat kanë qenë artificiale. Basha sot nuk ka kurajë të qëndrojë në një nga zyrat e PD” – tha Topi.
