Situata brenda Partisë Demokratike vijon të jetë e paqëndrueshme. Zhvillimet e fundit, nga dorëheqja e Lulzim Bashës si kryetar i PD, tek njohja nga gjykata e statutit të Kuvendit të 11 dhjetorit nga grupi i rithemelimit, ngrejnë pikëpyetjen nëse Partia Demokratike do të kthehet si më parë e bashkuar, pa grupime brenda partisë.
Megjithatë, duket se edhe pas dorëheqjes, Lulzim Basha vijon axhendën e takimeve me demokratët. Ndonëse Basha ka preferuar që këto takime-kafe me demokratët t’i mbaj pa praninë e medias në rrjetet sociale kanë qenë mbështetës të tij që kanë publikuar foto të takimeve me zotin Basha.
Gjatë ditës së sotme Basha ka qenë në takime me demokratët në zonën e Dajtit dhe në degën 8 në Tiranë. Nuk dihet çfarë është diskutuar por vetë zoti Basha ka bërë të ditur së takimet e tij do të jenë në funksion, të bashkimit dhe forcimit të Partisë Demokratike.
