2 inspektorë policie janë vënë në pranga, dhe 3 të tjerë janë proceduar penalisht, për ngjarjen e rëndë që ndodhi mbrëmjen e shkuar, ku Komisariati i Kamzës u përfshi nga flakët.
Agjencia e Mbikëqyrjes Policore, njofton se inspektorët janë arrestuar për shkak se kanë lejuar lëndë ndezëse në qelinë ku po mbaheshin dy të paraburgosurit Dilaver Idrizi dhe Arben Mici. Ky i fundit humbi jetën si pasojë e zjarrit, ndërkohë që lëndime mori dhe Idrizi si dhe një inspektor policie, i cili ishte në detyrë në momentin e përhapjes së flakëve.
Në pranga kanë rënë inspektorët Fatmir Isufi dhe Hajredin Boja, ky i fundit mbeti dhe vetë i lënduar, ndërkohë që janë proceduar inspektorët Lutfi Muça, Mark Marashi dhe komisar Ylli Çollaku.
