Ambasadori i Bashkimit Europian në Shqipëri, Luigi Soreca duke folur nga Kolonja tha vendi ynë ka bërë progres drejt BE në 3 vitet e fundit dhe se çelja e negociatave nuk është shumë larg. Më tutje ai u shpreh se pasuesi apo pasuesja e tij në krye të delegacionit të BE në Tiranë do të bashkëpunojë me partitë politike që do mbështesin integrimin në BE. Por, kur u pyet nëse në këtë listë bën pjesë dhe Sali Berisha, Soreca nuk preferoi të përgjigjet, ai e tejkaloi këtë pyetje dhe ndërroi tërësisht temë.
Pjesë nga deklarata:
–Po e lini Shqipërinë në kushtet kur PD është në krizë të thellë? Një koment për këtë?
Soreca: Unë nuk komentoj për zhvillimet e asnjë partie por jam i sigurt që ai/ajo që do zërë vendin tim do bashkëpunojë me partitë politike që do mbështesin integrimin në BE.
– Edhe me Zotin Berisha?
Nuk përgjigjet.
Ambasadori ishte në Kolonjë në takimet e lamtumirës, ku ka vlerësuar më së shumti punën e bërë me Këshillin e parë Rinor vendimmarrës në Shqipëri i krijuar në Kolonjë, sugjeruar e mbështetur nga vetë ai.
