Teksa qëndruan për disa orë para Kryeministrisë, një grup të rinjsh kanë nisur marshimin drejt drejtorisë së Policisë së Tiranës. Protestuesit kanë nisur të ecin përgjatë bulevardit Dëshmorët e Kombit, duke bllokuar kështu qarkullimin.
Burime për 27.al bëjnë me dije se protestuesit janë nisur drejt kryqëzimit te Shallvaret, dhe për rreth 1 mijë forca policie janë në terren për të ruajtur rendin dhe sigurinë. “Lironi shokët tanë!” brohorasin të rinjtë.
“Nuk keni pranga, mjaftueshëm për ne!, dëgjohet teksa bërtasin ata me megafon.
Ata kanë ecur përgjatë rrugës Myslym Shyri.
Kujtojmë se, sot është dita e katërt e protestës së qytetarëve në Tiranë dhe në qytete të tjera për rritjen e çmimit të hidrokarbureve dhe shportës ushqimore që është vënë re periudhën e fundit në vend.
