Në protestën e sotme nuk kanë munguar as ndërhyrjet politike, por qytetarët nuk kanë lejuar që kjo kauzë e tyre të preket nga asnjë parti politike. Qytetarët e mbledhur në protestën para kryeministrisë kanë kundërshtuar fjalimin e njërit prej protestuesve, i cili përmendi opozitën dhe tha se ajo do t’i dalë zot këtij populli. Pas deklaratës së tij, protestuesit filluan të thërrasin ‘poshtë politika’ dhe se nuk kishin dalë në shesh për asnjë kryetar, por për veten e tyre.
“Poshtë politika, nuk ka parti”; “Jo opozitë”; “Lere opozitën, s’kemi punë me opozitën”;
“Kemi dalë për veten tonë këtu”; “Nuk ka opozitë, nuk na duhet opozita.
Nuk ka opozitë këtu, është populli”; “Në këto shkallë nuk flitet për asnjë parti, për asnjë kryetar, ky është populli” Janë dëgjuar thërrasin ata. Ndërsa më tutje kanë shtuar se në këtë protestë bëhet fjalë për bukën e gojës dhe partitë nuk mund të ndërhyjnë, pasi në 30 vite e kanë vjedhur popullin.
