Rritja e çmimit të naftës dhe e produkteve të tjera ushqimore ka sjell reagimin edhe të qytetarëve të Bilishtit, të cilët janë mbledhur ditën e sotme në qendër të qytetit për të protestuar dhe reaguar kundër rritjes së çmimeve.
Qytetarët janë mbledhur në Bilisht, në pamundësi për të qenë prezentë edhe sot në protestën e kryeqytetit, për shkak të mos përballimit të biletave, pasi kanë pësuar rritje ditëve të fundit për shkak të rritjes së çmimit të naftës.
Zona e Bilishtit, si një nga zonat që kryesisht merren me prodhimet bujqësore dhe ata që kanë dalë sot në protestë janë më së shumti fermerë që cënohen drejtpërdrejt nga kjo rritje e menjëhershme e naftës, ndërkohë që i janë bashkuar edhe qytetarë të tjerë.
