Një tjetër deputete i ka kërkuar dorëheqjen kryetarit të Partisë Demokratike, Lulzim Basha, pas humbjes së zgjedhjeve të pjesshme të 6 Marsit. Kësaj radhe ka qenë deputetja e Partisë Demokratike, Dhurata Çupi, e cila ka kërkuar dorëheqjen e kryetarit të Partisë Demokratike, Lulzim Basha. Me anë të një postimi në facebook, Çupi shkuan se PD është në krizën më të thellë në 30 vite. Sipas saj, PD sot ka nevojë për lider që të na çojë drejt fitores.
“Partia Demokratike është në krizën më të thellë në 30 vite. Patjetër që shkaktari kryesor është lidershipi. Krizat zgjidhen me votë dhe votëbesim. Duhet të japë dorëheqjen Z. Basha, që t’i hapë rrugë bashkimit dhe konkurrimit të drejtë përpara demokratëve. PD sot ka nevojë për lider që të na çojë drejt fitores. Dëshpërim i madh që PD humbet mbështetjen e Shkodranëve e Dibranëve, si dy bastionet e PD” – Dhurata Çupi.
