Ndërkohë që lufta e Rusisë ndaj Ukrainës po vazhdon, Bashkime Evropian është shprehur se pesë milionë refugjatë mund të kalojnë kufirin nëse bombardimet ruse vazhdojnë.
Sipas Sky News shefi i politikës së jashtme të Bashkimit Europian, Josep Borrell, ka thënë se 1.5 milionë refugjatë janë larguar tashmë nga Ukraina brenda një jave.
Ai gjithashtu paralajmëroi për një “problem të madh” në kufirin lindor të Europës, duke bërë thirrje për të ndihmuar në menaxhimin e krizës në Ukrainë.
Mbretëria e Bashkuar është vënë nën kritika sot pasi doli se vetëm 50 viza u janë lëshuar deri më tani ukrainasve që duan të vijnë në Britani.
Bëhet fjalë për rreth 1% e 5535 personave që kanë aplikuar në 48 orët e para që nga hapja e skemës.
Lufta në Ukrainë ka shkaktuar shumë viktima dhe një dyndje të refugjatëve ukrainas në të gjithë botë. Shumë shtete janë sensibilizuar me situatën e Ukrainës dhe kanë dhënë ndihma monetare dhe gjithashtu kanë pritur shumë refugjatë.
