Sulmi që Rusi ka ndërmarr ndaj Ukrainës nuk është përkrahur nga shumë shtete. Përveçse sektorëve ekonomik që i kanë dhënë një goditje të madhe Rusisë, dhe bota e spektaklit, veçanërisht sporti po i kthen kurrizin hap pas hapi.
Formula 1 nuk do të mbahet më në Rusi, vendimi i fundit ky i Federatës Ndërkombëtare të Automobilizmit. Javën e kaluar ishte anuluar gara për shpërblimin e madh të Rusisë, pas sulmit ushtarak që e nisi ky vend ndaj Ukrainës.
Rusët kanë marrë edhe një tjetër goditje. Në fakt, FIA-s nuk i ka mjaftuar anulimi i sivjetmë i kësaj gare. Vendimi i sotëm është se do të ndërpritet përfundimisht kontrata dhe se nuk do të mbahet më gara e Formula 1 në Rusi.
Ky është një tjetër sanksion për rusët, në vazhdën e shumë të tjerëve në botën e sportit.Mijëra njerëz, prej tyre shumë civilë, janë vrarë në luftën që po zhvillohet në Ukrainë, e cila ka hyrë në javën e dytë të saj.
