Autoritetet e rajonit verilindor të Kharkiv njoftuan mëngjesin e ditës së sotme se janë vrarë 34 civilë dhe janë plagosur 285 të tjerë nga sulmi i forcave ruse.
Kjo është bërë me dije nga Shërbimi Shtetëror i Emergjencave të Ukrainës (SES) me anë të një deklarate, ku thuhet se Rusia goditi lagjet e banuara me bombat e tij vdekjeprurëse, predha, granata dhe me raketa.
Më tej, SES renditi edhe një sërë sulmesh që ndodhën në rajon të cilët sollën edhe pasoja materiale në biznese e në ndërtesa banimi dhe administrata të shkatërruara.
“Në mesnatë pati një sulm masiv ajror në qytetin paqësor të Izyum, i cili zgjati dy orë dhe dëmtoi një ndërtesë banimi 5-katëshe. Përveç kësaj, një sulm masiv ajror preku zonën e banimit Saltivka. Në ndërtesat e larta të banimit, strukturat u dëmtuan,” thuhet në deklaratë.
