Ministria gjermane e Ekonomisë ka miratuar dërgimin e 2 700 raketave kundërajrore në Ukrainë, deklaruan burimet e ministrisë ditën e sotme.
Armët në fjalë janë raketa “Strela” të dizajnuara nga ish-sovjetikët dhe kanë qenë pjesë nga stoqet e ish-forcave të armatosura të Gjermanisë Lindore.
Ditët e fundit, qeveria e kancelarit Olaf Scholz anuloi politikat e eksportit të armëve dhe lejoi dërgesat direkte të armëve në Ukrainë në mes të pushtimit rus të fqinjit të saj.
Ministria gjermane e Mbrojtjes ka kontrolluar ditët e fundit se çfarë armësh të tjera mund të jetë në gjendje të furnizojë forcat e armatosura ukrainase në konfliktin aktual që ka me Rusinë.
Gjermania ka refuzuar prej vitesh të eksportojë armë në zonat e luftës ose të lejojë vendet e treta të dërgojnë armë të prodhimit gjerman në zona të tilla.
