Sulmet ruse në Ukrainë nuk janë ndalur, edhe pse delegacioni ukrainas dhe ai rus zhvilluan bisedime për të ulur tensionet mes vendeve.
Ndërkohë ambasadori i Ukrainës në Kombet e Bashkuara, Segiy Kyslytsya ka publikuar disa mesazhe të një ushtari rus gjatë bisedës që ky i fundit ka zhvilluar me nënën e tij.
Tronditëse është fakti se ky i fundit i thotë nënës së tij se ndodhet në një situatë të vështirë, dhe se u kishin thënë se njerëzit në Ukrainë do t’i mirëprisnin, por duket se ngjarja nuk është siç u kishin treguar.
“Për herë të parë që nga krijimi i OKB-së, ka një luftë të plotë në mes të Europës dhe çdokush në botë e di se Rusia filloi këtë sulm e mbështetur nga Bjellorusia. Kjo luftë nuk u provokua, u urdhërua nga dikush që po qëndron i ulur në bunker. Ne e dimë çfarë ndodhi në Berlin në maj të 1945. Përpara se të vijoj deklaratën time, do të doja të flisja rusisht dhe t’ju lexoja mesazhin e marrë me screenshot nga telefoni i një ushtari rus përpara se të vritej”, është shprehur ambasadori ukrainas.
Mesazhet e ushtarit rus me nënën e tij janë publikuara nga ambasadori ukrainas.
