Ministri i Drejtësisë Manjani dhe ai i Mirëqënies Sociale Klosi janë pro bashkëpunimit dhe nënshkrimit të marrëveshjeve favorizuese me biznesin fason për punësimin e grave të dënuara.
“I bëj thirrje çdo sipërmarrësi shqiptar me përparësi, apo edhe fasoni. Ne në Administratën e Burgjeve, në Ministrinë e Drejtësisë jemi gati të çelim çdo lloj lehtësie që të vijnë të punojnë e të ndërtojnë marrëdhënie bashkëpunimi me gratë dhe burrat e institucioneve penitenciare që dëshirojnë të punojnë”, tha Manjani.
Gjithashtu ministri i Mirëqënies Sociale Blendi Klosi shprehu mbështetjen për gratë dhe vajzat në konflikt me ligjjin, në takimin me të dënuarat në Burgun 325 në kryeqytet.
“Duke pasur këtë profesion mund të keni edhe më shumë mundësi që pas daljes nga këto mure të jeni pjesë e këtyre programeve të nxitjes së punësimit, e të keni mundësi që të integroheni në shoqëri ndërmjet punës së denjë”, tha ministri Klosi.
Në përfundim u prezantuan edhe disa punime artizanale të realizuara nga vajzat dhe gratë e privuara nga liria.
