Jozefina Topalli tha nga foltorja e Kuvendit se sot u soll drafti në mënyrë provokative i reformës në drejtësi,draft ky që deputetja demokrate e quajti drafti “Xhafa”.
Duke u ndalur tek institucionet e reja të cilat krijohen me reformen ne drejtesi, Topalli i lexoi ato me iniciale dhe tha se asnjë deputet nuk e di se çfarë janë këto institucione.
Topalli: Në jetën time parlamentare nuk më ka ndodhur asnjëherë që të flitet për një reformë si reforma e drejtësisë dhe 99% e deputetëve mos të kenë as idenë më minimale se cfarë po bëhet, çfarë po thuhet dhe ku po shkohet dhe çfarë po ndryshohet, dhe pse po bëhet dhe a është qëllimi i mirë fillestar i inkluaduar i sjellë sot këtu në mënyrën më provokative, drafti “Xhafa” . Në fakt kur mediokriteti dhe injoraca bëjnë koalicion bashkë, sigurisht që rezultati është “Zeri i Popullit” dhe meritën e kësaj nuk po ja heq njeri sepse e keni fituar 70 vite më parë dhe me përsritjen e vazhdueshme e bëtë edhe sot në këtë seancë për reformën në drejtësi. Dhe tani do ju them një gjë, cili prej jush e di çfarë janë këto institucione.
Cili prej jush e di cfarë janë këto insistuacione: KLGJ, KLP, GJK, GJL, GJLA, KED, ILD, TDD, PP, PPA, BKH, KPK, KPP, GJK. Më thoni cili prej e din se çfarë janë këto? Kjo është reforma që Xhafa ka sjellë sot në mënyrë më provokative në tryezat e deputetëve.
