Policia e Krujës ka arrestuar tre persona, pasi nuk iu bindën urdhërit të policisë për të ndaluar. Arsyeja e mosbindjes ka qenë fakti, pasi në automjet ndodhej shtetasi Bedri Haka, i dyshuar për veprat penale “vrasje me paramendim” të sipërmarrësit Leonard Murataj dhe “prodhimi dhe mbajtja pa leje e armëve dhe municioneve luftarake” parashikuar në nenet 78 dhe 278/4 të Kodit Penal. Uniformat blu u vunë në ndjekje të tyre, ku menjëherë kanë bërë të mundur ndalimin e shtetasit Bedri Haka, Xhemal dhe Skerdi Prushi.
Ata ishin duke udhëtuar me mjetin tip Golf me targa AA 430 IG, me drejtues shtetasin Xhemali Prushi, dhe pasagjerë Bedri Haka dhe Skerdi Prushi.
Materialet i kaluan Prokurorisë së Krujës për veprat penale “Përkrahja e autorit të krimit” dhe “Mosbindja ndaj urdhërit të punonjësit të policisë të rendit publik”, parashikuar në nenet 302 dhe 242 të Kodit Penal.
