Kryeministri Edi Rama ka reaguar ndaj pushtimit rus në Ukrainë që ka nisur në orët e para të mëngjesit të sotëm. Me anë të një postimi të bërë në ‘Twitter’, kryeministri shqiptar shkruan se e dënon ashpër agresionin e Rusisë, ndërsa thotë se i bashkohet NATO-s dhe aleatëve të BE.
“Ne bashkohemi me NATO dhe aleatët e BE në dënimin e ashpër të agresionit të Rusisë. Mendimet tona janë me popullin ukrainas”, shkruan Rama në Facebook.
Presidenti rus Vladimir Putin njoftoi nisjen e operacionit ushtarak në orën 5:55 të mëngjesit me orën e Moskës dhe vetëm disa minuta më vonë, u lëshuan raketat e para. Në kryeqytetin e Kievit, një sirenë emergjente është ndezur dhe fotografitë tregojnë makina që bllokojnë autostradat ndërsa njerëzit largohen nga qyteti.
