Supersfida e parë e fazës play-off të Ligës së Europës mes Barcelonës dhe Napolit është mbyllur në barazim. Barcelona dhe Napoli kanë barazuar 1-1 në ndeshjen e parë të fazës së eliminimit direkt të Ligës së Evropës që u zhvillua në “Camp Nou”. Napoli e nisi shumë më mirë ndeshjen teksa në një aksion të shpejtë konkretizoi me Zielinski duke shënuar golin e parë.
Barcelona rriti presionin gjithsesi duke bërë më mirë me qarkullim të topit dhe në pjesën e dytë falë një penalltie të realizuar nga Ferran Torres vendos barazpeshën. Sfida mbyllet në barazim për t’u vendosur gjithçka në “Maradona Stadium” pas një jave.
Ndërkohë në sfidat e tjera, bie në sy humbja e thellë dhe surprizuese e Dortmund në shtëpi. Përpara tifozëve verdhezi, skuadra e Rose bën një figure të keqe pasi humbi 2-4 përballë Rangers. Zenit u mund 2-3 nga Betis në shtëpi ndërsa Sheriff Tiraspol vijon të surprizojë me fitoren 2-0 ndaj Bragës.
