Një tjetër aksident është shënuar në dalje të Tiranës. Siç shihet edhe e foton e siguruar nga 27.al një makinë është kthyer përmbys.
Burime policore bëjnë me dije se ngjarja ka ndodhur pasditen e sotme rreth orës 17:15, në Laprakë. Të njëjtat burime bëjnë me dije se shoferi i identifikuar me iniciale S. S., duke drejtuar mjetin e tij, dyshohet se ka humbur kontrollin mbi drejtimin e mjetit dhe ka dalë nga rruga dhe si pasojë ka vetëm dëme materiale.
27.al paraprakisht raporton se shkak është bërë shpejtësia përtej normave të lejuara ose shkelja e sinjalistikave rrugore.
Raportohet gjithashtu se në momentin që ka ndodhur aksidenti, policia nuk ka qenë në patrullim për ta parandaluar ngjarjen e rëndë. Grupi hetimor ndodhet në vendngjarje dhe po punon për sqarimin e rrethanave të aksidentit.
