Një magazinë është përfshirë nga flakët mbrëmjen e sotme në Elbasan. Policia bën me dije se ngjarja ka ndodhur rreth orës 18:40, në fshatin Labinot Fushë Elbasan.
Të njëjta burime bëjnë me dije se magazina ka qenë në pronësi të personit të identifikuar me iniciale Sh. Xh., 45 vjeç. Raportohet se nga zjarri nuk ka të lënduar por vetëm dëme materiale.
Grupi hetimor ndodhet në vendngjarje për të zbuluar shkaqet e zjarrit.
Kujtojmë se vetëm pak ditë më parë një rast i ngjashëm është raportuar edhe në Tiranë, ku u dogj një magazinë me lëndë drusore dhe ambalazhe, të një fabrike me pije alkoolike. Ngjarja ndodhi në rrugën dytësore Vorë-Tiranë, ku u raportuan për vetëm dëme materiale.
