Tirana dhe Vllaznia kanë festuar në ndeshjet e tyre të fundit të fazës së dytë. Kryesuesit e kampionatin mundën 4-0 Kukësin rival për titull dhe ata që shkëlqyen ishin Taulant Seferi dhe Redon Xhixha.
Bardheblutë e zhbllokuan ndeshjen me Seferin, ndërsa Xhixha më pas realizoi edhe dy herë të tjera. Në fund shënuesi më i mirë i Tiranës realizoi edhe golin e katërt dhe të dytin personal, duke shkuar në kuotën e 10 golave sezonalë. Me këtë fitore Tirana rrit në 9 pikë diferencën me Kukësin dhe Laçin. Këta të fundit kanë një ndeshje më pak, pasi luajnë nesër kundër Partizanit në shtëpinë e tyre.
Vllaznia ndërkohë pas 4 barazimesh radhazi e gjeti fitoren kundër Kastriotit të vendit të fundit dhe numërojnë një pikë më pak se Kukësi i vendit të tretë. Vendimtar ishte Liridon Latifi me golin e shënuar me penallti në mesin e pjesës së sytë. Arbitri Beqiri vendosi me VAR dhe nuk kanë munguar polemikat, pasi krutanët pretenduan për një karton të kuq (e mori në fund) të Adilit që në pjesën e parë të ndeshjes.
