Kreu i PD Lulzim Basha e ka quajtur më skandalozen këtë javë, duke numëruar një për një abuzimet e qeverisë. Gjatë fjalës së tij në Kuvend ai tha se, Rama udhëton me charter, ndërkohë që qytetarët po vdesin nga i ftohti dhe nga uria. Madje ai tha se në çdo rast kur duhet të përballet me popullin Rama “arratiset” nga Shqipëria, duke evidentuar faktin që kryeministri nuk është i pranishëm në seancën e sotme.
“ Dua ta nis me një pyetje retorike, si ka mundësi që në seancën e javës të ngarkuar me vendime të sjellë nga qeveria, me një javë të mbushur me skandale do të trondiste dhe rrëzonin qeverinë në vendet normale, këtu nuk ndodhet as 1/ 3 e kabinetit. Ku është kryeministri? E dimë që para dy ditësh shkoi dhe erdhi me charter privat, shkoi dhe erdhi dhe nuk njoftoi për çfarë i harxhoi atë 120 mijë euro karburant që kushton një fluturim me charterin privat. Ky që e nisi qeverisjen duke premtuar se do të udhëtonte me bileta ekonomi, tani shkon në Paris, Mynih me një charter luksoz që vetëm karburant që i kushton 120 mijë euro minimumi dhe vetëm kur vjen puna për tu përballur nuk e dimë ku është”, tha ai.
Ndër të tjera si solli dhe njëherë në vëmendje që me buxhetin e këtij viti jo transparent, Rama ka planifikuar një sërë vjedhjesh.
