Kryetari i Partisë Demokratike, Lulzim Basha, ka reaguar sot në lidhje me raportin e “Transperancy International” për korrupsionin në vendin tonë. Në raport thuhej se vendi qëndron ende në nivele shumë të larta sa i përket korrupsionit dhe fjalës së lirë. Përmes një postimi në Twitter, Basha shkruan se se ky fakt është denoncuar gjatë gjithë fushatës për zgjedhjet parlamentare të 25 prillit. Ndërkohë që shton se zgjedhjet e lira janë garancia që e ardhmja e shqiptarëve të jetë më e mirë.
“Ajo që kemi thënë gjatë gjithë kohës, madje edhe më të bindur që nga 25 prilli, tashmë është e qartë për të gjithë. Pa zgjedhje të lira dhe të ndershme, Shqipëria do të mbetet një nga vendet më të korruptuara në botë. Zgjedhje të lira duhet të jetë qëllim i gjithë shqiptarëve që ardhmja e tyre të jetë më e mirë,”tha Basha.
Organizata Transparency International ka publikuar raportin e përvitshëm për Indeksin e Perceptimit të Korrupsionit në botë ku arrin në përfundimin se 86 për qind e 180 vendeve dhe territoreve, kanë bërë pak ose aspak përparim në luftën kundër korrupsionit në 10 vitet e fundit. Në raport thuhet se Shqipëria nuk ka luftuar sa duhet korrupsionin, cenohet fjala e lirë për shkak se në protesta përdoret dhunë dhe gazetarët janë të frikësuar nga sjelljet e qeverisë.
1/2 Ajo që kemi thënë gjatë gjithë kohës, madje edhe më të bindur që nga 25 prilli, tashmë është e qartë për të gjithë. Pa zgjedhje të lira dhe të ndershme, Shqipëria do të mbetet një nga vendet më të korruptuara në botë.https://t.co/51Hj6OMq9v
— Lulzim Basha (@lulzimbasha_al) January 26, 2022
