Prokuroria pranë Gjykatës së Shkallës së Parë Lushnjë ka sekuestruar pasuritë e një personi të hetuar më parë për kryerjen e veprës penale “Trafikimi i lëndëve narkotike” në Republikën Çeke.
Sipas njoftimit zyrtar, prokuroria ka regjistruar dhe po kryen hetime për procedimin pasuror penal nr.01, datë 14.01.2022, që bën fjalë për pasuritë në zotërim të personit më iniciale E.S..
Mbi bazën e kërkesës së prokurorit, Gjykata e Shkallës së Parë Lushnjë, me vendimin nr.3 (75), datë 22.01.2022, ka vendosur sekuestrimin e pasurive të paluajtshme, që përfshijnë një objekt në Dhërmi, dhe dy apartamente në Tiranë.
