Një tjetër aksident i rëndë është shënuar paraditen e sotme në Durrës. Burime zyrtare nga policia bëjnë me dije se ngjarja ka ndodhur rreth orës 11:15, në lagjen nr. 13 Durrës, sipër urës së Dajlanit.
Të njëjtat burime bëjnë me dije se një automjet me shoferin A. Ll. ka humbur kontrollin dhe është përplasur me trafikndarësen.
Për pasojë është dëmtuar drejtuesi i mjetit, i cili ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
