Tre të rinj janë arrestuar në flagrancë pasi kundërshtuan me forcë punonjësit e policisë në Lezhë.
Burime zyrtare nga policia bëjnë me dije se, janë vënë në pranga Aleksandër Ndoci 35 vjeç, Alberto Ndoci 35 vjeç dhe Amarild Fizi 28 vjeç, pasi në bashkëpunim me njëri-tjetrin, kanë kundërshtuar me forcë punonjësit e Forcës “Shqiponja”, pasi kanë marrë masë administrative për pushimin e mjetit në rrugë, duke penguar lëvizjen e lirë të mjeteve të tjera.
Po ashtu janë vënë në pranga edhe 2 persona të tjerë njëri qarkullonte me automjet pa patente tjetri tej normave të shpejtësisë së lejuar.
