Gazeta greke e përditshme MAKELEIO në ballinë të saj shkruan: “Kotzias, Hitler, Goebbels”, si dhe “Kotzias u dorëzua përpara çamëve”.
Shkrimi në fjalë akuzon ministrin e jashtëm grek, Nikos Kotzias si pasardhës së Kostas Kotzias ish-deputet dhe ish-kryetar Bashkisë së Athinës 1934-1936, i cili ka qenë pro Gjermanisë naziste.
Pas shkrimit të sotëm në gazetën greke MAKELEIO ka reaguar menjëherë ministri Nikos Kotzias duke sqaruar se gjyshi i tij quhet Andronikos Kotzias dhe nuk është Kostas Kotzias. Ai paralajmëroi proces gjyqësor ndaj gazetës në fjalë.
Por, ka një pikëpyetje të madhe rreth personalitetit të Nikos Kotzias me progjermanin nazist Kostandin Kotzias, sepse në nëntor 2015 revista greke CRASH botonte një shkrim me autor Manoli Kotaqis, i cili shkruante ndër të tjera se ministri i jashtëm grek Nikos Kotzias është nipi i Kostas Kotzias.
Ky shkrim atë periudhë u botua në disa media elektronike greke dhe Nikos Kotzias nuk reagoi dhe as e hodhi në gjyq autorin e shkrimit dhe revistën CRASH.
Me ç’duket hapja e problemit të Çështjes Çame nga ministri Bushati, Presidenti Nishani dhe kryeministri Rama gjatë vizitës më 6-7 qershor 2016 të ministrit grek Nikos Kotzias në Tiranë, ka çelur edhe kutinë e Pandorës rreth Çështjes Çame, ku prej disa ditësh në mediat greke dhe europiane kjo çështje ka zënë ballinat e shumë gazetave.
