Kryetari i Bashkisë së Kavajës, Elvis Rroshi ka reaguar menjëherë pas arrestimit të tij dule e cilësuar aktin si kriminal dhe poshtërsi. Ai ka theksuar se nuk ka bërë asnjë gjygj dhe nuk ka marrë asnjë dënim. Rroshi thotë se avokatët italianë që ka angazhuar e kanë bindur se këtë betejë e ka të fituar.
Reagimin e ka bërë në rrjetin social facebook. Gjithashtu, ai shkruan se mirëpret ballafaqimin me drejtësinë e Sali Berishës për të provuar sipas tij gjithë pafajësinë.
Reagimi i plotë i Roshit:
E mirepres ballafaqimin me drejtesine e Sali Berishes dhe do te provoj gjithe pafajesine time per kete poshtersi. Kam angazhuar avokate te njohur italiane qe jane skandalizuar me gjithe kete sulm ordineresh ndaj meje. Ata me kane siguruar se kjo eshte dicka e pabesueshme dhe betejen sado e gjate te jete do ta fitojme.
Prokuroria nuk ka provuar asgje pervec atyre qe kam deklaruar vete. Me akuzojne per nje fakt qe e kam ekspozuar vete publikisht dhe qe per drejtesine italiane eshte nul.
Me akuzojne per debime ku jam debuar si mijera emigrante te tjere ne tufe po ku nuk kam bere asnje gjyq dhe s’kam marre asnje denim.
Le te me akuzojne per cfare te duan tjeter. Ky arrestim eshte kriminal sepse nuk mund te arrestosh njeriun per deklarim te rreme pa e provuar qe ka qene i tille. S’ka problem une jam mesuar me padrejtesira dhe kam lindur per t’i mbijetuar cdo padrejtesie.
E sigurte eshte qe Kavajen Sali Berisha nuk ka per ta marre me edhe sikur shtate pashe nen dhe te me fusin mashat e tij.
