Ministria e Punëve të Jashtme ka njoftuar se Greqia ka shtyrë masat anti-Covid deri më 24 janar, si pasojë e shifrave të infektimeve me Covid-19 që janë rritur ndjeshëm.
Ministria e Jashtme njofton se të gjithë qytetarët që udhëtojnë drejt Greqisë, pavarësisht nëse janë të vaksinuar ose e kanë kaluar apo jo Covid-in, duhet të kenë test negativ PCR të kryer brenda 72 orëve ose test të shpejtë të kryer 24 orë para udhëtimit.
Ndërsa pikat kufitare të Kakavijës, Kapshticës dhe Qafëbotës do të funksionojnë gjatë 24 orëve. Pika kufitare e Tre Urave funksionon nga ora 08:00 deri në orën 20:00.
