Jashtë dyerve të qendrës së votimit, të vendosur para derës së ambasadës amerikane në Tiranë, ish-kryeministri Sali Berisha ka hedhur akuza të forta ndaj kryedemokratit Lulzim Basha, teksa është shprehur se ai nuk ka mbështetës.
Gjatë fjalës së tij, Berisha u pyet edhe nëse po sfidonte SHBA-të, për faktin që ka hapur qendrën e votimit pranë ambasadës, duke u përgjigjur se “Për asnjë vend të lirë të botës, aq më tepër për SHBA, vendin e madh të lirisë, vota e lirë nuk mund të jetë asgjë tjetër, veçse e mirëpritur dhe respekt”.
Sali Berisha: Një ditë historike për lirinë në PD, për pluralizmin politik dhe për mbarë shoqerinë shqiptare. Për herë të parë në histori është anëtarësia ajo që vendos sot, për shkarkimin e Lulzim Bravës nga ajo detyrë që dëshmoi se nuk e ka merituar ndonjëherë. Ky është një kapitull i ri në rrugën e rithemelimit të PD-së dhe pluralizmit në Shqipëri. E patë ju kreun e meduzës mbrëmë, se si përpiqej që të tjetërsohej në çdo gjë tjetër nga ai që është.
Unë u jap fjalën se të dy do të kenë të njëjtin fat. Ditën e hënë në orën 4, të gjithë demokratët në protestën e madhe në mbrojtje të interesit kombëtar, dhe kundër vjedhjes së tmerrshme të 420 milionë eurove, që kërkon kreu i Meduzës me SPAKun e tij ti fshehë në një vjedhje 3 milionë euro. Unë i mbledh në cilësinë e sovranit.
Sot kemi një protestë të shoqatës Brava-Bardhi. Shqiptarët e dinë vetë zgjedhjen e tyre.
Vijon….
