Ish-kryeministri sali Berisha ka mbërritur në stadiumin “Air Albania”, ku do të zhvillohen punimet e Kuvendit të thirrur prej tij.
Para mediave sapo doli nga shtëpia, Berisha tha se asgjë nuk i pengon djemtë dhe vajzat e PD për t’u bashkuar në rithemelimin e PD. Berisha tha se Kuvendi merr vendimet e veta ndërsa kreun e PD e cilësoi të pakallur që jep mesazhe turpi. Ai la pa përgjigje pyetjen nëse do kthehen në selinë e Partisë Demokratike në përfundim të Kuvendit.
“Në historinë e lirisë së këtij kombi. Triumfi i revolucionit paqësor në momentet më dramatike të vendit. Asgjë nuk pengon djemtë dhe vajzat, burrat dhe gratë e lirisë për t’u bashkuar në rithemelimin e PD. Mesazhi më i bukur që ata i dërgojnë sot shqiptarëve kudo ku janë. Miqve tanë në Europë dhe botë. Ai është prej kohësh një i pakallur. Por kuvendi merr vendimet e veta. Mesazhet janë histori turpi dhe morën përgjigjen më të shkëlqyer nga demokratët”,- tha Berisha.
Lieri historik i demokrateve tha gjithashtu se Basha eshte i ftuar te marre pjese. I pyetur nëse do të kthehet në seli sot, ai tha se selia është e PD.
