Ceremonia EUPL 2021 u zhvillua më 9 nëntor në Bruksel, ceremonia e ndarjes së çmimeve duke festuar trembëdhjetë fituesit e Çmimit të Bashkimit Evropian për Letërsinë 2021, shpallja e të cilit u bë qershorin e kaluar.
Ceremonia e ndarjes së çmimeve u hap në orën 19:30, në shtëpinë e kulturës Flagey, në zemër të kryeqytetit belg, në prani të figurave të shquara të botës kulturore evropiane.
Ngjarja pa mes protagonistëve shkrimtarin shqiptar, një nga autorët më të vlerësuar të panoramës letrare aktuale shqiptare . I vlerësuar në Shqipëri dhe tashmë i njohur dhe i vlerësuar edhe në Itali, Tom Kuka, alias Enkel Demi, arrin këtë moment historik të rëndësishëm me përpjekjen e tij të fundit letrare, me librin e tij “Flama”.
Çmimi i Bashkimit Evropian për Letërsinë (EUPL) njeh shkrimtarët e rinj të letërsisë ne Bashkimin Europian dhe më gjerë, lidhur me angazhimin e 41 vendeve pjesëmarrëse në programin e Europës Krijuese të Bashkimit Europian. Gjithashtu vlerëson veprën e 41 talente të reja të shquara letrare përgjatë një cikli prej tre vitesh.
Çmimi synon të mbështesë krijimtarinë dhe pasurinë e pamasë dhe të larmishme të letërsisë bashkëkohore europiane në fushën e letërsisë artistike, të promovojë qarkullimin e letërsisë brenda Europës dhe të inkurajojë një interes më të madh për veprat letrare jokombëtare.
Çmimi nxjerr në pah pasurinë e letërsisë bashkëkohore evropiane si dhe trashëgiminë e pasur kulturore dhe gjuhësore të Europës
