Drejtoria Rajonale dhe grupet e Task Forcës së UKT-së kanë konstatuar ndërhyrje të rënda abuzive në tubat kryesorë dhe ata të shpërndarjes në Linzë.
Persona të paautorizuar kanë ndërhyrë në mënyrë të paligjshme në linjat e shpërndarjes të furnizimit me ujë. Abuzuesit mendohet të jenë furnizuesit me ujë të botëve. Për pasojë të këtyre veprimeve nga ana e abuzuesve janë konstatuar humbje të mëdha në rrjet.
Grupet në terren të UKT-së kanë ndërprerë menjëherë këto lidhje abuzive, si dhe kanë vijuar me verifikime të tjera në këtë zonë, pasi mësohet se ka pasur ankesa të shumta nga ana e banorëve.
