Kryeministri Edi Rama deklaroi se mazhoranca është e gatshme të ulet me përfaqësues të opozitës për të diskutuar amendamentet dhe propozimët e tyre që dorëzohen sot në Kuvend, për vetingun e politikanëve, ndryshime kushtetuese për reformën zgjedhore dhe reformën territoriale.
Në konferencën për shtyp me ambasadorin Soreca, Rama tha se me rëndësi është mënyra se si dy palë nuk bien dakort dhe se në procesin e doalogut të mos flitet “me pasqyra”.
“Nuk është etike që t’i komentoj këtu këto propozime. Kemi dhënë disponim total për t’i diskutuar në mënyrë srioze në procesin e dialogut që sipas meje duhet të ushqehet me vullnet të mirë mes palëve. Do më ndjeni të mos jap opainione para se t’i japim dialogut një shans real. Të kemi mundësi t’i ballafaqojmë me palën tjetër, duke patur vullnet të dëgjojmë, e duke kërkuar të dëgjohemi. Cilësia e një bashkëjetese, nuk përcakohet nga sa shpesh bie dakord po nga mënyra se si biem dakord. Dëshiroj t’i japim një shans dialogut, opozita ka bërë tre propozime, mund të bëjë edhe më shumë është në të drejtën e vet. Kemi detyrën t’i japim mundësi të diskutohen pa dhënë opinione përfundimtare. Jemi gati t’i diskutojmë drejtperdrejte me ta dhe jo me pasqyra ku secili flet vetë e nuk dëgjon cfarë thotë tjetri.”- tha Rama.
