Në ditën e dytë të vizitës në Tiranë, Ministri i Jashtëm grek, Nikolaos Kotzias ka zhvilluar një takim me kryetarin e Partisë Demokratike Lulzim Basha
Kryetari i Partisë Demokratike gjatë takimit nenvizoi faktin se në marrëdheniet midis dy vendeve ka çështje të mprehta që duhen trajtuar pa paragjykime dhe me kurajo për të gjetur rruget e zgjidhjes përmes një dialogu dhe veprimi të sinqertë mes dy palëve.
Çështja e statusit absurd të ligjit të luftës, trajtimi i të drejtës së popullatës Çame si e drejtë themelore e njeriut, të drejtat pronësore të shqiptarëve në Greqi dhe çështje te tjera të mbetura pezull midis dy vendeve meritojnë të trajtohen e zgjidhen sa më parë duke demonstruar vullnet të përbashkët dhe vizion europian u shreh kryetari i PD-së. Anulimi i ligjit të luftës, është një çështje e rëndësishme theksoi ai, jo vetëm për shkak të përceptimit, por veçanërisht të problemeve në lidhje me sekuestron konservative për pronat e qytetarëve shqiptarë, veçanërisht atyre Çamë.
Basha shprehu shqetësim se prej tre vitesh ka shumë retorikë dhe propagandë por nuk ka asnjë veprim konkret nga ana e dy qeverive në zgjidhjen e problemeve të mbetura pezull.
Gjatë bisedës, Basha vlerësoi shumë të rëndësishme marrëdhëniet me shtetin fqinj dhe theksoi angazhimin e Partisë Demokratike për të mbështetur dhe nxitur më tej këto marrëdhënie.
