Shkolla e Magjistraturës ka vënë kusht vaksinimin për studentët në këtë vit të ri akademik. Në një njoftim në Facebook, ky institucion ka njoftuar studentët që duan ndjekin apo duan të ndjekin këtë shkollë që të marrin masat e të vaksinohen.
NJOFTIMI
“NJOFTIM PËR KANDIDATËT PËR MAGJISTRATË QË STUDIOJNË NË SHKOLLËN E MAGJISTRATURËS
Njoftohen të gjithë kandidatët për magjistratë që studiojnë në Shkollën e Magjistraturës në vitin akademik 2021-2022, (viti i parë dhe viti i dytë i studimit), që për të siguruar mbarëvajtjen e programit të trajnimit fillestar përmes mësimit në auditor, të marrin masat e nevojshme për të kryer vaksinat anti-Covid.
Çdo kandidat të depozitojë elektronikisht në sekretarinë mësimore vërtetimin zyrtar me qëllim që të jenë pjesëmarrës në trajnimin në auditor prej datës 4 Tetor 2021 e në vijim.
Ju kujtojmë që muaji Gusht është i hapur për vaksinimin e të gjitha grupmoshave mbi 18 vjeç.”
