I nxehti afrikan, IGJEUM paralajmëron rrezik të lartë për zjarre në pyje në këto qarqe

Nisur nga temperaturat e larta që kanë përfshirë vendin përgjatë ditëve të fundit, IGJEUM ka paralajmëruar rrezik të lartë sa i përket zjarreve në pyje.

Në njoftim thuhet se në disa qarqe pritet rrezik i lartë vetëm në disa zona të lokalizuara, jo vetëm sot por edhe ditën e nesërme, konkretisht:  Tiranë (VP), Elbasan (P), Korçë (L), Vlorë (V) dhe Gjirokastër (VP)

Njoftimi

Sot pasdite (e enjte, dt.24) dhe nesër (e premte, dt.25) pritet nivel “I LARTË” rreziku në qarqet Fier, Berat dhe nivel “I MODERUAR’’ rreziku në pjesën tjetër të qarqeve të vendit (siç tregohet në tabelë, respektivisht për secilin qark). Në disa qarqe pritet rrezik “I LARTË” vetëm në zona të lokalizuara, konkretisht: Tiranë (VP), Elbasan (P), Korçë (L), Vlorë (V) dhe Gjirokastër (VP). Rreziku pritet të jetë më i lartë ditën e nesërme.

PARASHIKIMI METEO

RESHJET

Sot pasdite (e enjte, dt.24) dhe nesër (e premte, dt.25) priten reshje të dobëta apo lokale të dobëta në shumicën e qarqeve të vendit (siç tregohet në tabelë, respektivisht për secilin qark).

TEMPERATURAT

Nesër (e premte, dt.25) temperaturat minimale dhe maksimale të ajrit pritet të arrijnë:

në bregdet: 23 / 33 °C

në vendet e ulëta: 22 / 40 °C

në vendet malore: 18 / 34 °C

Era

Sot pasdite (e enjte, dt.24) dhe nesër (e premte, dt.25) era pritet të fryjë e lehtë deri mesatare.