Pasi mposhti Portugalin e Cristiano Ronaldos, kaq mjaftoi që Robin Gosens të kthehet në yllin e ri të këtij Evropiani. Përpara këtij takimi, Gosens ishte thjeshtë një lojtarë normal, shumë i rëndësishëm për Gaspetinin dhe Atalantën e tij por fama dhe emri i tij i kalojë të gjithë nivel duke u kthyer edhe një objekt diskutimi ndërmjet Mario Draghi dhe Anglea Merkel, të dy bëjnë tifo për përfaqësueset respektive por Gosens i bashkon në një pikë, është një lojtarë shumë i mirë.
Robin ka një histori shumë të bukur nga pas, mbase askush nuk do e mësonte nëse nuk i shënonte një gol Portugalisë dhe të detyronte luzitanët të dërgonin topin dy herë në portën e tyre. Mund të luante edhe për Holandën pasi ka dy nënshtetësi, por në fund një telefonatë e Low bëri diferencën. Dikur ishte i bindur se mund të përfomonte më mirë në fushë me alkool në gjak, por sot është ndryshe pasi arriti të bëhet një futbollist profesionist. Karriera e tij mori një rrjedhë të rëndësishme në verën e 2017 kur u ble nga Atalanta për 1.7 milion euro ndërsa sot vlera e tij në tregun e transferimeve është 35 milion euro.
