Coca-Cola ka humbur 5.2 miliardë dollarë, një shifër marramendëse pas konferencës për shtyp të Cristiano Ronaldos në Euro 2020.
Duke folur për mediat përpara ndeshjes së Portugalisë me Hungarinë të martën, Ronaldo ka larguar nga tryeza dy shishet e “Coca Cola-s”, duke e zëvendësuar atë me ujë.
Coca-Cola është sponsori zyrtar i Euro 2020 dhe ka vendosur dy shishe para të gjithëve që flasin në konferencat për shtyp.
Sipas The Athletic , aksionet e Coca-Cola ishin me vlerë 73.02 dollarë secili para konferencës për shtyp, por ranë në 71.85 dollarë më pas.
Gjesti i CR7 për lëvizjen e shishes Coca-Cola shkaktoi një rënie prej 1.6% për kompaninë në tregun e aksioneve.
Sulmuesi, me anë të këtij veprimi dha mesazhin që pijet e gazuara e me përmbajtje të lartë sheqeri, janë të dëmshme për futbollistët.
Madje një gjë e tillë është dëshmuar nga i biri i tij, Ronaldo Jr, i cili është shprehur që i ati (pra Ronaldo) nuk e lejon të konsumojë asnjë pije të gazuar.
