Ish-presidenti Bujar Nishani e ka konsideruar një maskaradë atë që po ndodh me zgjedhjet e sotme për kryetar në Partinë Demokratike, pasi sipas tij rezultati ka qenë i paravendosur.
Nishani komentoi dhe deklaratën e Berishës, i cili tha se nuk e përjashton mundësinë e një rikthimi në PD, që sipas ish-presidentit është një mesazh për anëtarësinë, që gjërat brenda kësaj force politike janë duke shkuar për keq.
I pyetur nëse do të japë dorëheqjen nga posti i kryetarit të Këshillit Kombëtar në PD, Nishani tha se ky është një vendim që i takon ta marrë baza e partisë, dhe anëtarët e Këshillit.
Nishani:
Për mua ishte një mesazh i qartë, mesazh që i thotë anëtarësisë që situata është e rëndë dhe duhet ndryshuar. Ka një mesazh për atë që po ndodh në parti.
Partia nuk ka sot komisionin e apelimit, zgjedhjet nuk kanë se ku të ankimohen, por kjo u takon kandidatëve që janë pjesë e garës.
Kjo i takon këshillit kombëtar që më ka zgjedhur, ajo që më takon mua është se unë jam në borxh të përhershëm me Partinë Demokratike.
