Të shtëna me armë zjarri raportohen në Fushë-Krujë, pranë një fasonerie. Raportohet se i plagosur ka mbetur Arben Dedej, pronar i një fasonerie.
Policia njofton se shkak i përplasjes me armë dyshohet të jetë bërë një konflikt i çastit. I plagosuri ndodhet në spital dhe po merr ndihmë mjekësore.
Njoftimi i policisë:
Më datë 01.05.2021, rreth orës 18:50, ka shkuar në spital për ndihmë mjekësore shtetasi A. D., 61 vjeç, banues në Krujë, dyshohet se si pasojë e një konflikti të çastit është plagosur me armë zjarri në këmbë dhe ndodhet nën kujdesin e mjekëve, jashtë rrezikut për jetën.
Menjëherë shërbimet e Policisë kanë mbërritur në vendngjarje dhe vijon krehja e zonës si dhe janë ngritur pika kontrolli në hyrje-dalje të qytetit për kapjen e autorit.
Në ambientet e Policis janë shoqëruar disa persona që mund të kenë dijeni për ngjarjen si dhe janë sekuestruar pamjet filmike për zbardhjen e rrethanave të ngjarjes dhe identifikimin e autorit.
Grupi hetimor nën drejtimin e Prokuorisë vijon punën për zbardhjen e plotë të ngjarjes
