Puna në aeroportin e Rinasit vijon të jetë e pezulluar, ndërkohë që raportohet se FNSH ndodhen në ambientet e Rinasit.
65 kontrollorët që me tre turne udhëhiqnin kontrollin në kullën e vrojtimit nuk ndodhen sot në kullë duke bërë që fluturimet në aeroportin e vetëm ndërkombëtar që ka Shqipëria të mos realizohen.
Në faqen e TIA-s janë anuluar disa fluturime, për në Itali, Dubai apo Beograd.
Raportohet se nuk janë anuluar të gjitha fluturimet në mbërritje për orët në vijim, çka do të thotë se mund të ketë ndryshime në orët në vijim. Gjithashtu pritet një deklaratë e ministres Balluku, nëse do të ketë një marrëveshje apo normalizim të situatës.
